कपाल झर्ने र फुल्ने समस्या भए खानुहोस् यी खानेकुरा,,,

कपाल झर्ने समस्या अधिकांश महिला तथा

पुरुषहरुको जल्दोबल्दो समस्या हो । अझ उमेर नपुग्दै कपाल

फुल्दा कतिपय युवा युवतीलाई चिन्ता मात्र थपेको छैन, बैशमै

सौन्दर्य गुमाउन बाध्य छन् । कपाल झर्न थालेपछि रोक्न

विभिन्न उृपाय अपनाइन्छ तर झर्नै नदिने उपायतिर कोही

सचेत भएको पाइन्नँ । हामीले खाने खानाले पनि कपालसँग

महत्वपूर्ण सम्बन्ध राख्ने वैज्ञानिकहरुले बताउँदै आएका छन् ।

केही खानेकुरा छन् जसले कपालको जरा कडा बनाउनुका साथै

समय नपुगी कपाल फुल्नबाट जोगाउँछन् ।

पालकको सागः फलामको कमिले पनि अधिकांश महिला

तथा पुरुषको कपाल झर्ने गर्छ । मासिक धर्म रोकिएपछि

कतिपय महिलामा यस्तो समस्या देखिन्छ । पालकको

सागमा पर्याप्त मात्रामा फलाम र भिटामिन हुन्छ जसले

कपाललाई स्वस्थ तथा कडा बनाउँछ र उमेर नपुगी कपाल

झर्नबाट बचाउँछ ।

गाजरः गाजरमा बेटा क्यारोटिन र भिटामिन ए प्रशस्त हुन्छ

जसले कपाल बृद्धि गर्न बचाउनुका साथै कपालका जराहरुलाई

बलियो बनाई झर्न बाट बचाउछ । तसर्थ नियमित रुपमा दैनिक

दुईटा गाजर खाँदा कपाल झर्नबाट जोगिन सकिन्छ ।

अण्डाः अण्डामा प्रशस्त मात्रामा प्रोटिनको मात्रा

हुन्छ । त्यस्तै अन्डामा हुने बायोटिनले कोषहरुलाई प्रबद्र्धन

गर्नुका साथै कपाल झर्नबाट बलियो बनाउँछ । कपालको

सुरक्षा र कपालको मजबुत जरा तथा आकर्षक कपालको

लागि बायोटिन (भिटामिन बी) अनिवार्य भएको

जनावरहरुमाथि गरिएका विभिन्न अध्ययनले पुष्टि गरेको छन्।

ओखरः बायोटिन र भिटामिन बी हुने एक मात्र ‘नट’ हो ओखर

। ओखरले तालुमा पर्याप्त भिटामिन दिनुका साथै समय नपुगी

कपाल झर्नबाट बचाउनुका साथै कपालको जरालाई बलियो

बनाउँछ ।

दहीः भिटामिन बीयुक्त दही स्वास्थ्य र कपालका लागि

महत्वपूर्ण मानिन्छ । कपालका जरा बलियो बनाउन, कपाल

आर्कषक र बलियो बनाउन दहीले महत्वपूर्ण भूमिका खेल्ने

जनावर सम्बन्धी गरिएका विभिन्न अध्ययनले खुलासा गरेका

छन् ।